新一年又到,喺度先祝各位福無重至今天至,福不單行昨日行,總之就事事順境身體健康,更加更加重要就係每逢三日贏馬,二四六就中六合彩。

新一年新開始,個個都想贏個頭彩,哪怕$10只派$10.1,起碼叫做贏,所以真係要睇睇過往新年有邊位練馬師最為火紅。第一時間諗到既有好幾位,約翰摩亞、告東尼、蔡約翰……原來統統唔係,就數據去睇原來係DEREK兄告達理,過往三年既新年都有好紀錄,即刻同你一一細數。

09年:威過威士忌,三隻冠軍,當中包括海力童、樂意洋洋、仲有依然當勇既時尚風彩。

10年:一隻頭馬兩隻位置。

11年:起孖,大地神駒,得力助手。

睇返今次12年元旦,告達理總共有7隻馬仔落場,其中更加包括第7場(9)爪皇豪火,上次佢贏1800米嗰場衝線嗰陣似係喃喃自語,知唔知佢講乜?好在小弟學過馬仔唇語,佢話:「下次記得買我!」。唔信?自己睇

雖然今次跑2000,情況似乎稍有不及,但各位唔好忘記而家楊明綸已經大個仔唔再係見習,而且又唔係跑800短途,成2000米咁長,又排14檔(沙田),相信楊明綸絕對足夠時間去穩定馬匹走勢。

除咗第7場(9)既爪皇豪火之外,告達理仲有第3場(10)御龍神駒、第6場(9)智勇福駿、同埋尾場第11場(11)綠茵神駒,其中第3場(10)御龍神駒排第6檔又有輕五榜既何澤堯上陣,跑1200米可以諗諗。

好嘞,講到尾,過往幾年告達理都於新年為大家帶嚟歡樂,咁究竟今年仲可唔可以繼續?我哋認為OKAYYYYYYYYYYYYYYYY!